Brinquedia

Hoxe tivo lugar no MUPEGA, en Compostela a presentación da IV edición do Encontro escolar de xogos tradicionais. Este ano serán as instalacións da FIG, en Silleda, as que acollan o evento, no que están inscritas/os arredor de 800 escolares de 17 centros escolares de todo o país. O acto decorrerá toda a xornada do sábado 30 de maio desde as 10.30 h. ofrecendo distintos espazos para a prática e exibición de distintos xogos tradicionais.
Nesta edición contamos coa colaboración da Fundación Paideia-Galiza, do Concello de Silleda, da FIG, do CRDOP Arzúa-Ulloa, do MUPEGA e de GADISA, ademáis de estar á espera de contestación da Consellaría de Educación e da Fundación Deporte Galego.

Participaron na presentación a alcaldesa de Silleda, Paula Fernández, Paloma Hidalgo, directora xerente da FIG, Xesús González Serén polo MUPEGA e Carmela Rodríguez, Xabier López e Lois Pardo, por Brinquedia.

O Encontro escolar pretende introducir os xogos tradicionais nos centros
escolares galegos, ademáis de fomentar as relacións interxeracionais, motivo polo cual están convidadas a asistir as familias e se elixe o sábado para a súa celebración.

Os centros participantes nesta edición son:

CEIP ADR Castelao - Ordes
CEIP Barrié de la Maza - Santa Comba
CEIP Isaac Peral - Ferrol
CEIP Lamas de Abade - Santiago
CEIP Manuel Respino - A Rúa
CEIP Mosteiro de Caaveiro - A Capela
CEIP Ricardo Tobío - Esteiro/Muros
CEIP de Bandeira - Silleda
CEIP de Esteiro - Ferrol
CEIP de Portonovo - Sanxenxo
CEIP de Sigüeiro - Oroso
CEIP de Silleda
CEIP de Vite 1 - Santiago
CIFP Ánxel Casal - A Coruña
CPI Armando Cotarelo Valledor - Boimorto
CRA Amencer - Ribadavia
IES de Melide

A xornada desenvolverase en horario continuo, desde as 10,30 até as 18
horas. Durante a mañá poderanse practicar un total de 30 xogos tradicionais
distintos, dirixidos por voluntariado. Tamén haberá espazo para dous obradoiros de elaboración de enredos, que guiarán Antón Cortizas, Xosé López e Xosé Manuel García.

O xantar será nunha carballeira que hai dentro das instalacións, a xeito de romaría, levando cada persoaou cada grupo o seu propio xantar.

Pola tarde haberá exhibicións de xogos praticados por adultos. Veremos demostracións de Chave (as tres modalidades galegas: Ourense, Santiago e Ferrolterra), de Bolos (Birlos ao canteiro da Órrea-Riotorto e Bolos celta do Val Miñor) e de Estornela (ou billarda) cun grupo de mulleres de Esteiro-Muros.

Unha vez rematen as demostracións, as/os nenas/os han poder praticar estes xogos, dirixidos polas/os propias/os xogadoras/es.

A maiores, contaremos cunha sesión de contacontos, por conta de Celso Fernández Sanmartín.

Para rematar todas as rapazas e os rapaces participantes levarán un agasallo en lembranza desta xornada.


Cartaz do Encontro

Xogos tradicionais do Encontro

Xogos tradicionais musicais do Encontro

Normas xerais do Encontro