Brinquedia
Este apartado está adicado a "Brinquedia - Rede Galega do Xogo Tradicional",
asociación nascida para dar cabida a todas as entidades que traballan arredor do património lúdico galego.
Inclue-se un apartado de novas xeneradas por Brinquedia, un directorio de membros (tanto persoas físicas como xurídicas),
os estatutos da asociación e un modelo de adesión.
Encontro internacional de xogos tradicionais "Ribera del Duero 2009"
08.07.09 - 01:34
por lois pardo
Esta fin de semana, Aranda del Duero acollerá un importante número de actividades arredor do xogo tradicional. Ademáis do Congreso de xogos (anunciado noutra nova deste web), o Palacio dos Condes de Avellaneda (en Peñaranda de Duero) acollerá tamén a Asemblea da Asociación Europea de Xogos e Deportes Tradicionais – AEXDT, na que máis unha vez participará Brinquedia, ademáis dun Encontro internacional de xogos tradicionais. Galiza terá o seu espazo neste encontro, con presenza de 3 modalidades de Chave, 1 de Birlos e a Loita galega. Ademáis da galega, participarán tamén delegacións de Aragón, Asturias, Canarias, Cantabria, Castela e León, Cataluña, Valencia, Dinamarca, Finlandia, Francia e Portugal, entre outras.Outras actividades que se levarán a cabo nestas datas son:
Do 7 ao 12 de xullo.- Exposición de pintura “Los Juegos Tradicionales y su entorno” de Ángela Gavilán, no Palacio dos Condes de Avellaneda de Peñaranda de Duero
Do 7 de xullo ao 13 de setembro.- Exposición UN AÑO DE JUEGOS en Peñaranda de Duero, na Casa da Artesanía.
Do 27 de xullo ao 2 de agosto.- Exposición de xogos tradicionais e xoguetes de época no Salón de Usos múltiples da Cova de Roa.
Durante o mes de agosto a exposición “Un año de Juegos”, visitará, co patrocinio do Instituto Provincial para o Deporte e Xuventude de Burgos, distintas localidades da provincia.
Programa do Encontro
Rueiro de Aranda del Duero
Plana da Ribeira do Douro
COMENTARIOS
