Chega unha nova edición do Día das Letras, adicado este ano ao intelectual e político Ramón Piñeiro, e co día chega tamén unha grande cantidade de actos ao longo do país para celebrar a festa da nosa língua. Entre os numerosísimos actos previstos por toda a xeografía, podemos salientar a Romaria etnografica Raigame, en Vilanova dos Infantes (Celanova), onde os xogos tradicionais teñen o seu propio espazo, a Festa das Letras d’O Couto (Ponteceso), que ten programada unha interesante exposición de xoguetes de Ricardo Pérez Verdes, ou a manifestación convocada en Compostela pola Mesa pola normalización lingüística baixo o lema O galego, a nosa columna vertebral. A lingua que nos une!. Para ir quecendo motores, eleximos este video da canción Ponte ao noso lado, interpretada por Guadi Galego e Vozes da rádio, que amosa unha das maiores potencialidades da nosa língua: a cercanía con case 300 millóns de lusófonos no mundo.
Ponte ao noso lado

Como ven sendo habitual nos anos anteriores, durante o mes de abril nenas e nenos de varios colexios da comarca da Barbanza compartillaron unhas xornadas de educación e lecer arredor dos xogos tradicionais.
Nas xornadas, que se desenvolveron con bos resultados, participaron 420 escolares de 4 centros de ensino. Entre os seus obxectivos estaban fomentar a convivencia a través do xogo entre escolares de diversos centros educativos e a recuperación destes xogos como parte do noso patrimonio lúdico-cultural. Paralelamente tivo lugar unha exposición de xoguetes tradicionais no Pozo do Cachón (Muros).

A Asociación Cultural e Pedagóxica Ponte...nas ondas!, en colaboración coa Consellaría de Cultura e Deporte, a Secretaría Xeral de Política Lingüística, a Delegação Regional de Cultura do Norte de Portugal (DRCN) e a Direcção Regional de Educação do Norte convocan o III Certame de recolla da tradición oral galego-portuguesa.
No interese por descubrirlle ás novas xeracións a existencia dun rico e variado Patrimonio Cultural común preséntase este certame, que tan frutíferos resultados acadou nas pasadas edicións. O prazo de inscripción remata o 30 de marzo e o da entrega de traballos, o 4 de xuño
Eis o cartaz da convocatoria

O Diario Oficial de Galicia (DOG) publicou o pasado 27 de febreiro a orde que ten por obxecto o establecemento das bases reguladoras de concesión de subvencións e a súa convocatoria pública dirixidas a clubes deportivos e entidades deportivas sen ánimo de lucro para a participación en competicións oficiais ou o desenvolvemento de actividades deportivas, realizadas ou que se vaian realizar no perí­odo comprendido entre o 1 de xaneiro e o 15 de outubro de 2009. O prazo de presentación de solicitudes remata o vindeiro 30 de marzo.
Máis información

Informan-nos os compañeiros da Órrea que podemos seguir a Liga Federada Zona Norte de Bolos, que xa está na súa IV xornada. Podemos ver os resultados e clasificacións na segunite ligazon.

Por outra parte, tamén podemos seguir a Liga de Birlos de Santa Comba de Órrea dentro do mesmo web, a ligazón directa para estes resultados é a seguinte

A Asociación Cultural La Tanguilla, de Aranda de Duero presenta un ano máis a exposición "Un año de juegos", unha completa mostra de xogos e xoguetes tradicionais utilizados por nenas/os e adultos, que vai permanecer aberta ás visitas desde o vindeiro 12 de marzo até o 4 de abril. Os centros escolares van poder gozar do programa gratuito de visitas guiadas, que deberán solicitar chamando aos teléfonos 947510412 ou 947511275.

Ademáis do espazo para os brinquedos das/os máis pequenos, tamén terán espazo importante os deportes de adultos, destacando as distintas variantes do xogo de birlos da provincia de Burgos, ditintos xogos da comunidade castelá e leonesa e outros das distintas comunidades da península, entre os que destacamos as 3 modalidades do xogo da Chave (Ferrol, Ourense e Santiago)

Máis información
Díptico da exposición

Vindeiro domingo 8 de febreiro ás 10.15 h., terá lugar no Pazo de Congresos e Exposicións de Galicia (Santiago de Compostela) unha xornada organizada pola Dirección Xeral para o Deporte que, baixo o título Presentación do Plan Estratéxico dos Xogos e Deportes Populares e Tradicionais pretende ser un espazo de encontro entre os axentes sociais implicados na recuperación e promoción do patrimonio lúdico-deportivo galego e a propia administración

A xornada pretende dar a coñecer o traballo desenvolvido nos últimos meses pola Dirección Xeral para o Deporte: o estudo-diagnóstico da situación destes xogos nos concellos galegos, ao tempo que lle presentará ao sector implicado o proceso de elaboración do Plano estratéxico dos xogos e deportes populares e tradicionais, unha ferramenta dirixida ao impulso, recuperación e posta en valor das prácticas lúdicas tradicionais.

Eis o folleto informativo da xornada xunto ao formulario de inscrición.
Máis información no web da FDG

O venres 16 de xaneiro terá lugar no Museo Pedagóxico de Galicia (MUPEGA) a primeira reunión preparatoria do IV Encontro escolar que neste ano está previsto –en principio- para o 30 de maio. Ás 18 h. están convocados a esta xuntanza todos os centros de ensino que estén traballando ou teñan interese en facelo distintas prácticas do patrimonio lúdico galego.
Nesta reunión hase acordar o escenario e as condicións nas que se vai desenvolver a actividade, ademáis de lembrar os obxectivos que guiaron as tres convocatorias anteriores, que foron o de contribuír á difusión do patrimonio lúdico galego e o de procurar a inclusión do xogo tradicional no currículo escolar.
A continuación, achégase algunha documentación do Encontro:

Correos ven de sacar nos últimos meses unha nova publicación dentro do seu apartado de Álbumes e publicacións de Filatelia. Trátase dunha edición moi coidada de 160 páxinas que comprende 16 selos temáticos e máis de 200 fotografías e ilustracións, adicada aos xogos e deportes tradicionais do Estado. Galiza está representada nesta colección polo xogo da Chave, dentro dos xogos de puntería.

O prezo de cada exemplar é de 40 € e para facerse cun exemplar pódese solicitar telefónicamente, no tel. 902 197 197, vía correo-e, no enderezo atcliente.filatelia@correos.es ou directamente no seu web

O Frontón Beti Jai atópase en Madrid, na rúa Marqués de Riscal, do distrito de Chamberí, nunha zona de alto valor arquitectónico, rodeado de edificios singulares de finais do século XlX e comezos do XX, en confluencia co eixo da Castellana. O frontón cerrou as súas portas no ano 1919 e desde entón foi empregado como comisaría na Guerra Civil, obradoiro… até no 1989 ser vendido á sociedade Frontón Jai-Alai, SL para a súa restauración. Porén, esta sociedade foi absorbida por unha inmobiliaria coa intención de erguer un hotel, malia estar incoado o expediente de BIC e estar restrinxido a uso deportivo. Isto non é abondo para se atopar nun estado de abandono por parte da propiedade, que procura o seu total deterioro para proceder a darlle un uso diferente do que posúe na actualidade, centrado nos intereses inmobiliarios.
Por todo isto, ven de crearse unha iniciativa cidadá, na que podedes colaborar pinchando aquí