O veciño de Melide Guillermo Gómez Lareo foi o vencedor absoluto do I Campionato de Tirapedras da Galiza central, e Adrián Sánchez, tamén de Melide, proclamouse vencedor en categoría infantil.

O campionato reuniu a un total de 56 tiradores e tiradoras procedentes de Galiza, Euzkadi, Cataluña, Illas Baleares e Italia. A organización correu a cargo da Asociación Galega do Xogo Popular e Tradicional, no marco das festas de verán da vila de Melide, e estivo apoiada pola Fundación Deporte Galego, ademais de polo propio Concello de Melide e pola Sociedade de Pesca Deportiva Ponte Mazaira. A convocatoria supuxo o broche final á I Festa dos Xogos Tradicionais da Terra de Melide, celebrada ao longo de dúas xornadas.

O Torneo Galego de Bolo Celta, o Torneo de Chave, a Billarda, diferentes modalidades de Birlos, o Corte de Troncos en Altura, a exposición e o obradoiro de xoguetes tradicionais conforman algúns dos preto de 60 xogos e deportes tradicionais de Galiza, Asturias, Castilla-León e Portugal que se poderán ver e practicar o 25 de agosto en Santalla - A Pontenova.

A Mostra desenvolverase nunha parcela de 4.000 metros cadrados, rodeada de alpendres, cabozos, hórreos e monte, sen dúbida nun marco incomparábel semellante aos espazos utilizados tradicionalmente para a posta en práctica dos xogos.

A Asociación Galega do Xogo Popular e Tradicional, entidade integrada en Brinquedia, organiza os vindeiros 20 e 21 de agosto na vila de Melide, a I Mostra de Xogos Tradicionais da Terra de Melide e o I Campionato de Tirapedras da Galiza Central.

A Mostra de Xogos da comarca melidá pretende, no marco das festas de verán da vila cabeceira de comarca e alén de poñer en valor as prácticas lúdicas tradicionais da zona, recuperar os espazos tradicionais de xogo no casco histórico da vila.

Unha investigación do Centro de Estudios Sociosanitarios (CESS) da Universidade de Castilla-La Mancha revelou que un programa de actividade física con xogos tradicionais reduce a obesidade infantil. Isto era o que se desprendía das palabras que o seu director Vicente Martínez Vizcaíno pronunciaba semanas atrás nunha mesa redonda organizada pola Fundación Vida e a Fundación Real Madrid.
No acto, Vicente Martínez aseguraba que a sociedade de nenas/os virou maniquea, ficando os gordos cada vez máis gordos e os magros cada vez máis magros. Para evitar isto, di que hai que apelar ao deporte como xogo, mais non como competición.

Vindouro sábado 25 de agosto terá lugar no lugar de Santalla (A Pontenova – Lugo) a I Mostra de Xogos Tradicionais. Ao longo da xornada terán unha especial relevancia as distintas variantes do xogo de dos Birlos/Bolos. Ademáis, na Mostra, organizada polos veciños e polas veciñas deste pequeno e fermoso lugar do norte lugués, haberá espazo para distintas modalidades dos xogos tradicionais galegos, asturianos e castelán-leoneses.

É este un evento mui recomendado desde este web e máis desde Brinquedia, para todas as persoas interesadas no Património lúdico e nas súas distintas manifestacións.

Vindouro día 4 de Agosto, as canchas de birlos/bolos de San Roque - Camos, acollerán unha nova edición das 12 horas De Bolos Camos - Torneo Concello de Nigrán.

Ademáis das equipas de Pontevedra, participantes na Liga de Bolos Celta do Val Miñor e Baixo Miño, o evento contará coa participación doutras agrupacións e clubes de todo o país, así como doutras comunidades autónomas.

Programa:

Pasado 14 de xuño, nas instalacións do MUPEGA tivo lugar a xornada de avaliación do III Encontro escolar de xogos tradicionais.

Nesta reunión analizaron-se os níveis de satisfacción do propio encontro, no referente á información, á promoción, á participación, ás instalacións ou a outros temas que se consideraron de importancia suficiente como para ter en conta en vindeiras edicións.

A grandes rasgos, estes foron os resultados desta avaliación:

A Asociación Cultural e Pedagóxica Ponte...nas ondas! consegue -por primeira vez na história da educación en Galiza- introducir no currículo educativo do alumnado do ESO o tema do patrimonio imaterial galego-portugués como obxecto de estudo.
É a editorial Edicións Xerais de Galicia quen inclúe o tema nos novos libros de texto de Lingua e Literatura Galega de 3º da ESO. Isto, conforme declaracións de Ponte... nas ondas!, "constitúe un importante paso como exemplo do papel que o sistema educativo debe asumir na construción da Eurorrexión, formando persoas cun coñecimento da súa cultura común e compartida.

A Asociación Cultural Ponte...nas ondas! ven de convocar o I CERTAME DE RECOLLA DA TRADICIÓN ORAL nos centros educativos de ensino non universitário, coincidindo coa Semana da Literatura Oral organizada pola Consellaría de Cultura e Deporte de Xunta de Galiza.
Achegamos información do mesmo, ademáis da Acta final do Certame, que tivo grande suceso nesta primeira edición.
Parabéns máis unha vez para Ponte... nas ondas!

Máis información

Chegan-nos novas desde a outra beira do Atlántico. Nesta ocasión é para nos comunicar a nova Comisión Directiva da Asociación Argentina de Bolos, conforme ao acordado na Asembleia Xeral Ordinária celebrada o pasado día 3 de maio.

Tambén nos achegan os resultados do Torneo de inverno celebrado recentamente naquelas latitudes.