A Asociación de Xogadores de Chave de Compostela ten programado para os días 16, 17 e 18 de xullo o XXXI Campionato de Chave das Festas do Apóstolo 2009. Desde hai uns anos desenvolvese de xeito paralelo un Campionato feminino, que chega á súa IV edición. Todas as partidas desenvolveranse na Alameda de Santiago.
O vindeiro 1 de agosto tamén teñen pevisto celebrar o Torneo da Amizade, onde participarán –ademáis de equipas de Santiago- seleccións de Ourense e A Coruña. Será no Campo da festa de Figueiras - Santiago.

O campionato do Apóstolo desenvolverase con arranxo ao seguinte horario:
Os días 16 e o 17 comezarán as partidas ás 17 h. co campionato feminino. Ás 20.30 h. tera lugar a modalidade masculina
O día 18 voltarán a comezar as partidas da modalidade feminina ás 17 h. e as masculinas ás 18.00 h. Participan 32 parellas clasificadas nas Eiras de Santiago. Haberá trofeos para as catro primeiras parellas, que consistirán en 8 chaves de prata, dúas a cada parella, e cuxo tamaño irá de maior a menor conforme a clasificación. Cada campión de Eira ten o seu trofeo.

Por outra parte, tamén nos chegan novas das Festas da Ascensión, nas que se ven de desputar o XXXIII campionato de chave o pasado 20 de Xuño na Alameda de Santiago, cun total de 35 parellas participantes. As catro primeiras parellas clasificadas foron:
1ª José Pinaque - Bernardo Torres
2ª Javier Mosquera - Emilio de la Fuente
3ª Ramón Suarez - Luis Rozas
4ª Juan Millán - Javier Colón.